Vöruflutningar

Vöruflutningar > Öryggi

Ökuland býður netnámskeið sem hægt er að taka hvar og hvenær sem er. 

• • Hvert námskeið er opið í 48 klst. eftir innritun. 

  • Engin próf eru í lok námskeiðs.

  • Ökuland notar kennslukerfi sem heitir Canvas. Það þarf ekki að hlaða niður neinum hugbúnaði í tölvur og allir algengustu netvafrar styðja Canvas.

  • Ef notast er við síma eða spjaldtölvu er mælt með smáforriti/appi sem heitir Canvas by Instructure.

  • Að námskeiði loknu sér Ökuland um skráningu í Ask, gagnagrunn Samgöngustofu og sýslumanna.

  • Askur - Innskráning

  • Ökuland er viðurkenndur námskeiðshaldari.

  • Bent er á mikilvægi þess að ljúka endurmenntun áður en gildistími ökuskírteinis rennur út.

  • Dreifa má námskeiðunum eftir hentugleikum á fimm ára gildistímabil ökuréttindanna. 

  • Tákntalan 95 á bakhlið ökuskírteinis gefur til kynna að ökumaður hafi réttindi til aksturs í atvinnuskyni.

  • Einstaklingum er bent á möguleika á námsstyrk stéttarfélaga og fyrirtækjum á styrki úr starfsmenntasjóðum.

  • Fyrirtæki og stofnanir sem óska eftir reikningsviðskiptum, vinsamlega hafið samband við Ökuland áður en innritun fer fram.

  • Athugið að þegar ökuskírteini er endurnýjað þarf að skila inn læknisvottorði. 

Uppsetning endurmenntunar samkvæmt reglum Samgöngustofu:

• Ljúka þarf fimm endurmenntunarnámskeiðum áður en aukin ökuréttindi(í flokkum C1/C & D1/D) eru endurnýjuð. Mælt er með að dreifa þeim á fimm ára gildistíma ökuréttinda.

• Námskeiðunum er  skipt í þrjá hluta; Umhverfi  –   Lög og reglur  & Öryggi  og nú þarf að taka að lágmarki eitt námskeið úr hverjum hluta. Hin tvö eru valfrjáls og mega vera úr hvaða hluta sem er

• Ekki er lengur um að ræða kjarna, valkjarna og val. 

• Nú er skylda að  eitt af þeim fimm námskeiðum sem bílstjórar taka innihaldi verklegan hluta, til dæmis akstursöryggisnámskeið, verklegt vistakstursnámskeið, námskeið í vetrarakstri eða verklega skyndihjálp.

• Nánari upplýsingar um endurmenntun atvinnubílstjóra má finna á vef Samgöngustofu